MAZOEZI YA VIUNGO NA USAFI WA MAZINGIRA

Imewekwa tarehe: June 29th, 2024

Mkuu wa Wilaya ya Rungwe Mhe. Jaffar Haniu ameitaka jamii ya Wakazi wa Rungwe  kuendeleza utaratibu wa kushiriki mazoezi ya viungo na kufanya usafi wa mazingira kila Jumamosi ya mwisho wa mwezi ili kutekeleza agizo la Serikali.

Mhe. Haniu asema hayo leo 29/06/2024  katika Halmashauri  ya Wilaya ya Busokelo alipoongoza zoezi la kukimbia mbio (jogging) na usafi wa mazingira  katika Hosipitali ya Wilaya.

Mapema leo saa 12:00 asubuhi, Mhe.Haniu aliongoza zoezi lakukimbia umbali wa kilometa 2.5 kutoka Makao makuu ya Halmashauri ya Busokelo hadi kijiji cha Kitali  kitongoji cha Lupaso  na kisha kuendesha zoezi la usafi wa mazingira katika maeneo ya Hosipitali ya Wilaya ya Busokelo.

Aidha, Mhe.Haniu aliwashukuru na kuwapongeza watu wote waliojitokeza kushiriki zoezi hilo kwa siku ya leo  na akasisitiza kuwa  Wananch wote  katika  Wilaya ya Rungwe waendelee kushiriki katika mazoezi ya viungo na usafi wa mazingira kila ifikapo mwisho wa mwezi kwa lengo la kulinda afya zao na kutekeleza agizo la Serikali.