HOSTELI YA WASICHANA SHULE YA IKAPU SEKONDARI KUANZA KUTUMIKA AGOSTI 2024

Posted on: June 25th, 2024

Hosteli ya Wasichana katika shule ya Sekondari Ikapu inatarajiwa kuanza kutumika ifikapo Mwezi August mwaka 2024.

Hayo yameelezwa na 25/06/2024 katika ziara ya Mkurugenzi Mtendaji wa Halmashauri ya Wilaya ya Busokelo Bi.Loema Peter alipotembelea katika Shule ya  Sekondari Ikapu iliyoko katika Kata ya Kambasegera kwaajili kukagua ujenzi wa Hosteli ya Wasichana  inayojengwa kwa gharama  shilingi Milioni 28 kutoka Serikali kuu pamoja nguvu za Wananchi.

"Nimeridhishwa na kazi ya Ujenzi wa Bweni hili,na baada ya wiki tatu zijazo nadhani kutabadilika sana mahala hapa, na kwakweli tunapenda kuona watoto wetu wakisoma katika mazingira mazuri,  hivyo basi Fundi,  fanya michakato yako yote   ukamilike ujenzi huu  kufikia mwezi wa 8, hosteli ianze kutumika" Alisema Bi.Loema .

Kukamilika kwa hosteli hii kutasaidia upatikanaji wa mazingira rahisi kwa Wanafunzi kuwezea kupata muda mzuri wa kujisomea na kuhudhuria masomo darasani kwa wakati

Hadi sasa jengo la hosteli limeezekwa na tayari mafundi wanaendelea na uwekaji wa mifumo ya maji na umeme katika hosteli pamoja na uwekaji wa sakafu ndani jengo hilo.