DED BUSOKELO AAGIZA MRADI WA VYOO KATIKA SHULE MSINGI IKAPU UKAMILIKE IFIKAPO JUNI 29 2024

Imewekwa tarehe: June 25th, 2024

Mkurugenzi Mtendaji wa Halmashauri ya Wilaya ya Busokelo Bi Loema Peter  ametaka mradi wa ujenzi wa matundu 6 ya vyoo katika shule ya msingi Ikapu iliyo katika Kata ya Kambasegera ukamilike ifikapo siku ya Jumamosi  29/06/2024.

Bi. Loema ametoa agizo hilo leo tarehe 25/06/2024 akiwa katika ziara ya ukaguzi wa miradi ya maendeleo inayotekelezwa katika Halmashauri ya Wilaya ya Busokelo.

Mradi wa ujenzi wa matundu 6 ya vyoo katika shule msingi Ikapu  umehusisha nguvu za Wananchi, na Serikali imewezesha ukamalishaji wa mradi huo Kwa gharama ya shilingi milioni 6 na laki nne( 6400,000/=).

Bi.Loema alipongeza  juhudi zilizooneshwa na kamati ya Ujenzi shuleni hapo katika usimamizi wa mradi huo, na kuitaka Kamati hiyo kuendelea kumpa ushirikiano fundi anae jenga vyoo hivyo vikamilike katika ubora unaotakiwa ifikapo tarehe 29/06/2024  ili Wanafunzi waweze kuvitumia vyoo hivyo pindi shule zitakapo funguliwa .

Hadi hivi sasa fundi anejenga vyoo hivyo yupo katika hatua za mwisho za ukamilishaji mradio ambapo anaendelea na kazi za ukamilishaji ambazo ni pamoja na uwekaji wa tailis katika vyoo hivyo na amehahidi  kukamilisha na kuikabidhi kazi hiyo katika tarehe iliyopangwa .

Katika ZIARA hiyo Mkurugenzi  Mtendaji wa Halmashauri ya Wilaya ya Busokelo aliongozana na  Mkuu wa Divisheni ya Elimu ya Awali na Msingi, Mkuu wa Divisheni ya Mipango na Uratibu, Mhandishi wa Halmashauri pamoja na Kaimu Mkuu wa Divisheni ya Elimu Sekondari Halmashauri ya Wilaya Busokelo.