SERIKALI YA AWAMU YA SITA YA BORESHA MFUMO WA MANUNUZI

Imewekwa tarehe: August 26th, 2023

SERIKALI YA AWAMU YA SITA  YABORESHA MFUMO WA MANUNUZI

Mfumo mpya wa manunuzi kwa umma NeST ( National e-Procurement System of Tanzania) umewakutanisha watalamu kutoka Halmashauri saba zinazounda Mkoa wa Mbeya ukilenga kutoa Mafunzo na Matumizi Sahihi ya Mfumo huu

Mfumo huu ambao ni Mbadala wa ule wa awali  wa TaNeps unaenda kuondoa changamoto mbalimbali zilizokuwa zinawakabili watumiaji.

Faida ya Mfumo huu ni pamoja na kuondoa urasimu na matumizi sahihi ya muda , Hii ni kutokana na kila kitu kufanyika kwenye Mfumo ( Mtandao) na hivyo kuondoa matumizi ya karatasi na faili kuhama kutoka ofisi moja kwenda nyingine.

Ofisa wa Manunuzi anaweza kufanyia kazi maombi ya Manunuzi kutoka ofisi ya umma au Mzabuni popote alipo bila kuwepo ofisini na hivyo maombi kukamilishwa kwa wakati.

Mfumo huu umeunganishwa  pia na mifumo mingine kama NIDA, Mapato, Fedha, Utumishi, Leseni na hivyo kutoa nafasi ya kupata taarifa sahihi za Mnufaika.

 Mfumo  huu Utakaotumika nchi nzima unatarajiwa kuanza matumizi yake rasmi tarehe 01.10.2023.