WADAU WA VYAMA VYA SIASA BUSOKELO KUHAMASISHA WANANCHI KUSHIRIKI UBORESHAJI WA DAFTARI LA KUDUMU LA WAPIGA KURA.

Imewekwa tarehe: December 21st, 2024

WADAU WA VYAMA VYA SIASA BUSOKELO KUHAMASISHA WANANCHI KUSHIRIKI UBORESHAJI WA DAFTARI LA KUDUMU LA WAPIGA KURA.

Afisa Mwandikishaji Jimbo la Busokelo Wakili.Peter Salama amewataka Wadau vya vyama vya siasa Halmashauri ya Wilaya ya Busokelo kwenda kuwahamasisha Wananchi wa Busokelo kujitokeza kushiriki zoezi la Uboreshaji wa Daftari la Kudumu la Wapiga kura kuanzia 27/12/2024 hadi 02/01/2025.

Wakili Salama ametoa wito huo leo 21/12/2024 kwenye ukumbi wa Halmashauri  katika kikao maalaumu na Wadau wa Vyama vya siasa, viongozi wa madhehebu ya dini, Wawakilishi wa Wafanyabiashara  viongozi wa vyama vya michezo na wawakilishi wa Machifu kutoka Busokelo.

Akifungua Mkutano huo, Wakili Salama amesema kuwa Tume Huru ya Taifa ya Uchaguzi INEC inafanya kazi kwa kushirikiana na Wadau mbalimbali muhimu wakiwemo viongozi wa dini, viongozi vya vya siasa, Machifu, Wanamichezo na makundi yote ya vijana na Wazee kwa lengo la kuhamasisha jamii ijitokeze kushiriki zoezi la Uboreshi Daftari la Kudumu la Wapiga Kura.

“Tume Huru ya Taifa ya Uchaguzi inatambua mchango wenu, ninyi ni Viongozi mnaoishi na watu hao katika jamii zetu na mnazungumza na Wananchi moja kwa moja kupitia nyumba za ibada, Majukwaa ya siasa michezo , Biashara na shughuli za utamaduni, kila mmoja atumie nafasi yake kuwahamasisha Wananchi kwenda kuboresha taarifa zao pindi uboreshaji utakapoanza’’ Alismea Wakili Peter Salama

Aidha Wakili Salama amesema kuwa Mawakala wa vyama vya siasa wataruhusiwa kuwepo katika vituo vya uboreshaji Daftari la Kudumu la Wapiga Kura kama Waangalizi wa vyama vyao na wao ndiyo wanaowafahamu Wapiga kura wao katika eneo husika na hivyo hawaturuhusiwa kuingilia majukumu ya Maafisa Waandikishaji katika vituo, badala yake watatimiza majukumu yao ya uwakala kwa kuzingatia sheria na miongozo katika kutekeleza zoezi hili.

Kwa mujibu wa Kifungu cha 17 (1) cha Sheria ya Uchaguzi wa Rais, Wabunge na Madiwani, Na. 1 ya Mwaka 2024, Chama cha Siasa chenye usajili wa kudumu kinaweza kumteua mtu mmoja katika kila kituo cha uandikishaji kuwa Wakala wa Uandikishaji wa Wapiga Kura.

1. Kufuatilia zoezi la uboreshaji na kutazama kama linazingatia Sheria, Kanuni na Maelekezo ya Tume Huru ya Taifa ya Uchaguzi.
2. Kushirikiana na Waandishi Wasaidizi kutambua wakazi wa eneo hilo na kutoa taarifa juu ya watu wasio na sifa.

Kwa mujibu wa Kifungu cha 16 (5) cha Sheria ya Uchaguzi wa Rais, Wabunge na Madiwani, Na. 1 ya Mwaka 2024, Uboreshaji wa Daftari la Kudumu la Wapiga Kura utakuwa mara mbili kati ya kipindi kinachoanza mara baada ya uchaguzi mkuu na kabla ya siku ya uteuzi. Wanaohusika katika zoezi hili ni wananchi ambao: -

1. Wametimiza umri wa miaka 18 na kuendelea ambao hawakuandikishwa hapo awali;
2. Watakaotimiza miaka 18 kabla ya tarehe ya Uchaguzi Mkuu wa Mwaka 2025;
3. Waliojiandikisha awali na wamehama Kata au Jimbo moja kwenda jingine;
4. Waliopoteza sifa mfano wale waliofariki kuondolewa katika Daftari;Wenye taarifa zilizokosewa wakati wa uandikishaji; na
5. Waliopoteza au kadi zao kuharibika.
6. Waliopoteza  au kazi zao kuharibika